السلام عليكم ورحمة الله وبركاته
اكيد كلنا فى شتى بقاع الارض حاسين بان البرد السنه دى غير عادى صح
بنلبس هدوم تقيله
ونقفل شبابيك البيت
واللى عنده دفايه بيشغلها
ولا ننزل تحت البطانيه
مع كوبايه شراب ساخن يدفينا
صح
ومع كل ده بنبقى سقعانين
طيب ايه رايك فى واحده زى دى
ملهاش بيت
بيتها الشارع
وسريرها الرصيف
ماتت من البرد !!!!
وايه رايك ان فى غيرها كتير
عاوزه اقولكم ان اخويا كان جاى بيحكى امبارح والجو كان تلج
عن واحد ياعينى نايم فى الشارع فى عز التلج بيترعش ومتغطى ببطانيه مقطعه خااااالص !!!
قام كام واحد من اصحاب اخويا لموا من بعض وعلى قدهم اشتروا كام بطانيه يوزعوها على الناس دى
واحد من الناس دى لقوه متغطى بحاجه خفيفه جداااااااا متعملش حاجه
لما جم يدوله البطانيه
تفتكرى عمل ايه
فرح ؟؟؟
لالا قالهم
انا معايا دى
غيرى محتاج اكتر منى
ادوها لحد يستاهلها اكتر منى
تخيلى ؟؟؟
يااااااااااه
متلج من البرد
بس حاسس بغيره
واحنا مدفيين فى بيوتنا ومش حاسين بحد
فيها ايه لو نشجع ولادنا وشبابنا انهم يعملوا عمل خيرى ويجمعوا ونديهم يروحوا يجيبوا بطاطين
كل حته فيكى يامصر
فيها ناس من دول
وبنشوفهم كلنا
بس لاننا اتعودنا علمنظر ده
بقى عادى مش بنفكر ولا بييجوا فى بالنا
خلى ابنك يشوف صحابه ويجمعوا وهاليهم يشتركوا معاهم
مش هيحصل حاجه
لو انتى بتطبخى تعملى حساب 2 ولا 3 من الناس دى
ومش هقولك طبيخ ولحمه والله
لالالالالالا
شوربة عدس
اظن بسيطه باذن الله
بس هتفرق كتير مع الناس دى
هتدفيهم
هاتى طبقين من الاطباق الصاج ولا الاستانلس اللى بتتباع على الرصيف بجنيه ولا ب2 جنيه
ونزلى فيهم للناس دى
وخديهم تانى اخر اليوم بعد ما ياكلوا
وخليهم على جمب ليهم هما وبسس
ياجماعه مش هنخسر كتير
بس الاكيد اننا هنكسب ثواب كبير
اما بقى عن اخواننا الاشقاء سوريا
فتعالوا نشوف مع بعض
في السنة الماضية حين ضرب "إعصار ساندي" السواحل الشرقية للولايات المتحدة الأمريكية قدمت الحكومات الخليجية وحدها تبرّعات بقيمة مليار دولار لاغير
هنا في الصورة رجل مسن وجد ميتاً في أحد مخيمات اللاجئين السوريين بعد أن طمره الثلج و البرد
لاحول ولا قوة الا بالله
هذا حال الشعب السوري في ظل التخاذل الاسلامي و العربي و الغربي
وقسوة قلوب البشرية
لنا الله ومالنا سواه معيناً ورحيماً ونصيراً
وهنيئاً لكم يا شعوب الاسلام و أثرياء المسلمين و يا أمراء و رؤساء دول العرب ودول الخليج .....
والله لن ينفعكم ملككم شيئاً أمام الله
ودى صورة لاطفال من سوريا شايفه ياحبايبى عاملين ازاى
وده فيديو لطفل
مات متجمد من شدة البرد
http://www.youtube.com/watch?v=T4EXwO0mBo8&feature
وادخلى على اليوتيوب وشوفيهم وهما لا حول ولا قوه الا بالله
بيدبحوا القطط اللى فى الشوارع وياكلوها
لان حاشية بشار قالوا اما الجوع او الركوع
انا مش حاطه الصور والفيديو حبيباتى علشان نقول ياعينى ونقوم نقفل
ونفتح مواضيع تانيه ....
لالالالا
انا حاطه الصور علشان اللى تعرف ازاى نساعدهم
وازاى نضمن ان الحاجات دى هتوصلهم
تفيدينا
واللى قادر يساعد ربنا يجازيه كل خير
وفى ميزان حسناته باذن الله
ولو مقدرتش
مننساهمش من دعائنا
هما واخواتنا فى فلسطين وفى كل مكان
ملحوظه انا يابنات مقصره يمكن اكتر منكم كلكم
بس ان شاء الله هاجتهد قدر استطاعتى
دمتم بكل خير وود
تعليقات
إرسال تعليق