ابدأ مشروعك الصغير بــ 10 جنيهات في اول كل شهر

ابدأ مشروعك الصغير بــ 10 جنيهات في اول كل شهر 

السلام عليكم ورحمه الله و بركاته
انا جايبكلوا النهارده فكره جديده عايز كــــــــل الناس تشارك فيها معايا ، و تخلي كل الناس الى تعرفها سواء من على النت او اقرايبكم او اصقائكم يشاركوا فيها .
فالفكره هي مشروع استثماري صغير بقيمه 10 جنيهات فقط في اول كل شهر ميلادي ان شاء الله تعالي ، بمعني اننا في اول كل شهر سوف نستثمر10 جنيهات ، اي انه في لسنه سوف نستثمر 120 جنيها فقط ، و الارباح مـــــن هذا لمشروع كثيره جدا ولا تعد و لا تحصي .

الفكره هــــــــــي :
اننا سوف ننوي نيه صادقه لوجه الله تعالي ان نتصدق في كل شهر بمبلغ 10 جنيهات فقط لا غير ، صدقه خالصه لوجه الله تعالي ، و عايزين كلنا نشجع بعض ، لأن فيه ناس عمرها ما تصدقت قبل كده و ناس بتتكسف لما بتيجي تتصدق ، تخيلوا بيتكسفوا انهم يتصدقوا ، فاحنا هنشجع بعض اننا نتصدق لوجه الله ، و كل واحد يتصدق في المكان الى هو عايش فيه ، يعني فقط هتتصدق و انت ماشي في الشارع ، لواحد جارك غلبان ، لطفل صغير في الشارع ، لراجل عنده عاهه مثلا.
المشروع ده قيمته 10 جنيهات فقط ، و الى هيزود من عنده

جزاه الله خيرا ، بس ميقلش هو هيدفع كام ، خليها بينك و بين ربنا ، احنا فقط هناخد العشره جنيه حد ادني لينا و الى يزود بعد كده له الاجر و الثواب ان شاء الله .
الفكره دي جاتلي لما واحد صاحبي بيحكيلي انه بيتكسف يروح يتصدق ، بمعني انه بيتكسف انه يروح لحد و يديله فلوس في ايده ، فبيحس انه كده بيقلل منه ، و من هنا كسوفه من الموضوع ده ، فخلونا نتعلم كلنا و الناس الى بتتكسف و الناس الى مش بتتصدق اصلا ، تعالوا نتعلم نتصدق.
مين هيشارك معانا في المشروع ده ؟؟
و الى هيشارك يشارك بصفه جديه ، بمعني
1- انه يتبرع فعلا
2- يدعو كل اصدقائه و اقاربه سواء على النت او خارج النت انهم يشاركوا في هذا المشروع الصغير

Read more: http://fekra4cash.blogspot.com/2010/12/10.html#ixzz26YNFywEx